Lòt

Mèkredi 8 janvye a, Athletic Bilbao jwenn eliminasyon l nan men FC Barcelone (0-2) pandan demifinal Sipèkoup Espay la nan peyi Arabi Sawoudit vil Djeddah.

Aprè rankont lan, kapitèn klèb bask an, Inaki Williams (30 lane, 26 match 8 gòl tout konpetisyon pandan sezon an), montre li pa kontan paske federasyon espanyòl foutbòl la voye konpetisyon an ale jwe twò lwen.

"Se tankou n ap jwe an deplasman, men m si te gen kèk sipòtè. Se domaj yon match ki bèl konsa jwe lwen lakay nou, paske mwen panse si li te jwe pi pre, estad la te ka ranpli ak yon kantite sipòtè. Domaj nou dwe jwe kote se nenpòt santèn kilomèt ki separe nou ak fanatik yo epi fanmi nou. Pou mwen, sa pa gen okenn sans jwe nan Arabi Sawoudit, men se konsa foutbòl la fonksyone kounya".

Deklarasyon atakan Athletic lan devan laprès.

Nan lòt demifinal sipèkoup la Real Madrid ap afwonte Mallorca jodi a pou konnen kiyès ki pral toke kòn ak Barcelone nan final la.

KÒMANTÈ

Dènye atik yo